Sa ating panahon ngayon ay hindi maitatanggi na mas umiiral ang pagtangkilik ng mga Pinoy sa mga produktong mula sa ibang bansa. Ginawa namin ang adbokasiyang PiliPinoy upang magsilbing daan o paalala na dapat natin tangkilikin ang sariling atin. Hindi maikakaila ang kalidad ng mga produkto mula sa ibang bansa, ngunit hindi rin natin dapat kalimutan na mayroon ding mga de kalidad na mga produkto na gawang Pinoy. Kailangan lang natin itong mas bigyan ng pansin at pahalagahan. Sa pagkilala sa mga produktong Pinoy, mas naipapakita natin sa buong mundo kung ano ang meron tayo at kung ano ang kakayahan ng mga Pilipino.